“Yeni medianın tədrisinin təkmilləşdirilməsi” Layihəsinin qısa icmalı

Layihənin əsaslandırılması

İnkişaf etmiş ölkələrin təcrübəsi göstərir ki, Jurnalistika məktəbləri Yeni media  texnologiyaları ilə bağlı xeyli sayda  fənləri tədris proqramlarına daxil ediblər. Həmçinin texnologiyaların inkişafı  onların  tədris planlarına çox tez təsir edir. Media kifayət qədər transformasiya olunduğundan təhsil müəssisələrində jurnalistlərə elə bilik və bacarıqlar aşılanır ki, onlar konkret bir KİV sahəsində deyil bütün media və kommunikasiya sahələrində çalışmağa hazır olur.
Yeni Media  texnologiyalarının  ali təhsil müəssisələrində tədrisi ilə bağlı seçmə fənlər hazırda bir blok olaraq təqdim olunmur. Əslində media sektorunda uzun müddətdən bəri xəbər istehsalı prosesində, xəbərlərin yayılması prosesində yeni  texnologiyalar tətbiq olunursa da, jurnalist təhsili verən qurumların tədris proqramları bu tələbata konseptual olaraq uyğunlaşmayıb.
Elə bu layihənin də əsas məqsədi jurnalistika təhsili verən ali məktəblərdə yeni media texnologiyalarının tədrisini tamamilə yenidən qurmaq, bununla bağlı yeni tədris modelini hazırlanmaqdan ibarətdir.

Layihənin məqsədi

Jurnalistika təhsili verən ali təhsil müəssisələrində yeni media texnologiyalarının tədrisini təkmilləşdirməklə jurnalistlərin peşəkarlığını yüksəltmək. Ali təhsil müəssisələrinin Jurnalistika fakültələri üçün Yeni media texnologiyaları ilə bağlı seçmə fənlər blokundan, onların məzmunundan (tədris proqramları, sillabuslar, tədris-tematik planlar və s ) və digər zəruri tədris materiallarının nümunəlindən ibarət  yeni tədris modeli hazırlamaq.

Layihə qarşısında duran vəzifələr

–  Jurnalistika təhsili sahəsində yeni media texnologiyalarının tədrisi məsələsinə təhsil və media ictimaiyyətinin diqqəti cəlb etmək
–  Yeni media texnologiyalarının tədrisini təkmilləşdirmək məqsədilə yeni tədris modeli hazırlamaq və Universitetlərə təqdim etmək
–  Azərbaycanın formalaşmaqda olan media biznesi sektorunda yeni media texnologiyaları ilə bağlı vəziyyəti ( iş yerləri , tələb-təklif
münasibətləri və s.) araşdırmaq
–  Yeni media texnologiyaları tədris edən müəllimlərə metodiki-informasiya dəstəyi göstərmək
–  Tələbələrin praktiki vərdişlərinin artırılması üçün şərait yaratmaq
–  İnformasiya cəmiyyətinin jurnalistlərinin hazırlanması üçün şərait yaratmaq

 Həyata keçiriləcək tədbirlər:

1. Ölkənin Media və  kommunikasiya infrastrukturunda yeni media texnologiyaları ilə bağlı mövcud vəziyyəti araşdırmaq.
2. Yeni media texnologiyaları sahəsində təklif olunan fənlər və tədris proqramları ilə bağlı beynəlxalq təcrübəni araşdırmaq.
3. Yerli şəraiti və beynəlxalq təcrübəni nəzərə almaqla jurnalistika ixtisası üzrə yeni media texnologiyaları ilə bağlı seçmə fənlərin siyahısının, qısa məzmununun və tədris proqramlarının, tədris-tematik planların Layihələrinin hazırlanması.
4. Yeni media texnologiyaların tədrisi ilə  bağlı  hazırlanan sənədlərin  jurnalistika kafedralarında,  jurnalist tələblər və media ictimaiyyəti arasında ictimai müzakirəsinin keçirmək.
5. Jurnalistika sahəsində “İnformasiya  cəmiyyətinin jurnalisti” üzrə ixtisaslaşma ilə bağlı xüsusi tədris proqramı hazırlamaq.
6. Yeni media  texnologiyaları tədris olunan kafedralar üçün tələbələrə təqdim olunacaq buraxılış işlərinin nümunəvi mövzularını hazırlamaq
7. Yeni media texnologiyalarının tədrisinə köməklik məqsədilə elektron tədris resurslarından ibarət  internet sayt
   hazırlamaq.
8. Jurnalistika  fakültələri üçün tələblərin təcrübə keçmələri və praktiki biliklərinin artırılması  məqsədilə tələbə
   onlayn qəzetinin vahid modulunu hazırlamaq.
9. Tələbələrin praktiki bilik və bacarıqlarının artırılması, TV və Radio sahəsində , xüsusən də İnternet TV  və
   İnternet Radio sahəsində çalışmalarına hazırlanması məqsədilə pilot olaraq seçilmiş ali təhsil müəssisəsinin
   Jurnalistika Fakültəsində Studiya yaratmaq.

Layihənin hədəf qrupu və əhatə dairəsi

Layihə əsasən Jurnalistika təhsili verən Universitetlərin Jurnalistika bölmələrinə, media subyektlərinə, yeni media  mütəxəssislərinə, jurnalist tələbələrə və jurnalist olaraq çalışanlara yönəlib və onların faydalanacağı əsas götürülüb. Bununla belə Layihənin nəticələrindən bütövlükdə ölkənin Vətəndaş Cəmiyyətinin faydalanacağı gözləniləndir.