Bu gün Multimedia Mərkəzində “İnformasiya cəmiyyətinin Jurnalisti” Layihəsi çərçivəsində keçirilən “İnformasiya Cəmiyyətinin ən yaxşı jurnalisti” müsabiqəsinin Münsiflər Heyətinin toplantısı keçirilib.
Toplantıda müsabiqəyə təqdim olunan yazıların qiymətləndirilməsi müzakirə olunub. Məqalələr 10 ballıq sistemlə qiymətləndirilib. Müzakirələr və verilmiş ballar əsasında qaliblər müəyyən olunub. Məlum olduğu kimi Müsabiqəyə Azərbaycanda informasiya cəmiyyəti quruculuğu sahəsi ilə əlaqəli 14 yazı təqdim olunub.
Həmçinin “İnformasiya Cəmiyyətinin Jurnalisti” 2011 Layihəsinin yekunlarına həsr olunan Təqdimat mərasiminin 29 fevral 2012-ci ildə, saat 14.00-da Beynəlxalq Mətbuat Mərkəzində keçirilməsi qərara alınıb.
Müsabiqənin qalibləri təqdimat mərasimində açıqlanacaq. Tədbirdə “İnformasiya Cəmiyyətinin Jurnalisti” 2011 Layihə çərçivəsində keçirilən Treninqlərdə iştirak edən Jurnalistlərə Sertifikatlar təqdim olunacaq. Həmçinin Müsabiqənin qaliblərinə Diplomlar və qiymətli hədiyyələr təqdim olunacaq.
Layihə “Multimedia” İnformasiya Sistemləri və Texnologiyaları Mərkəzi, Rabitə və İnformasiya Texnologiyaları Nazirliyi və ULTRA şirkətinin birgə iştirakı ilə gerçəkləşdirilir.
“Multimedia” Mərkəzi
Tel: 492-44-44
www.cit.az
multimedia@cit.az
